Bydd y Swyddfa Docynnau yn Theatr y Colisëwm ar agor i gynnig gwasanaeth wyneb-yn-wyneb bob dydd Mawrth 11.00am–2.00pm.
O ddydd Iau 12 Medi fydd y Swyddfa Docynnau yn y Parc a’r Dâr ddim yn cynnig gwasanaeth wyneb-yn-wyneb er mwyn hwyluso gwaith adeiladu yn y cyntedd ac ardal y Swyddfa Docynnau.
O ddydd Mawrth 1 Hydref, bydd llinell prynu tocynnau ein Swyddfa Docynnau ar agor 1pm-4pm rhwng dydd Mawrth a dydd Gwener i gwsmeriaid heb fynediad i'r rhyngrwyd neu y byddai'n well ganddyn nhw sgwrsio ag aelod o'n Carfan Swyddfa Docynnau gyfeillgar.
Lle bo modd, ewch i rct-theatres.co.uk/cy/ i brynu tocynnau.
Wyt ti rhwng 10 a 19 oed, ac a fyddet ti'n hoffi'r cyfle i ddawnsio ar lwyfan yn rhan o gynhyrchiad? Dyma dy gyfle, mae Criw Panto Take pART Theatrau RhCT yn chwilio am bobl egnïol ac angerddol i ymuno â’r cast, fel dawnswyr, ym mhantomeim hudolus eleni, Aladdin.
Bydd y perfformiad gwefreiddiol yma'n cael ei gynnal yn Theatr y Colisëwm, Aberdâr, a Theatr y Parc a'r Dâr, Treorci, o ddydd Iau, 28 Tachwedd tan ddydd Sul, 24 Rhagfyr 2024.
Bydd clyweliadau i ymuno â Chriw Panto Take pART fel dawnsiwr ac aelod o'r corws ar gyfer y cynhyrchiad yn cael eu cynnal ar y dyddiad canlynol:
Dydd Sul, 22 Medi rhwng 4.30pm pm a 6.30pm, bydd y lleoliad yn ardal Pontypridd yn cael ei gadarnhau pan fydd eich clyweliad yn cael ei gadarnhau.
Er mwyn ymgeisio, rhaid i ti fod rhwng 10 a 19 oed ac ar gael ar gyfer dyddiadau'r perfformiad. Yn y clyweliadau bydd gofyn i ti gymryd rhan mewn gweithdy grŵp gyda choreograffydd - cofia wisgo dillad cyfforddus a naill ai esgidiau jazz neu drainers.
Os hoffet ti'r cyfle i fynychu clyweliad, e-bostia takepartpantocrew@gmail.com gan nodi dy enw, oed, cyfeiriad a pha hyfforddiant dawnsio rwyt ti wedi’i gael eisoes.
Wrth wylio ffilm mewn 3D, rydych chi'n teimlo'n rhan o'r ffilm. Mae delweddau o safon anhygoel - clir, llachar a realistig a sain o'ch cwmpas chi yn dod â'r stori yn fyw. Dydych chi ddim yn profi'r adloniant yn unig; rydych chi tu mewn i'r adloniant.
AD
Disgrifiad Sain
Sylwebaeth fyw wedi'i chydblethu â deialog yr actorion ydy disgrifiad sain. Caiff y sylwebaeth ei throsglwyddo drwy benset sy'n gysylltiedig â'r system sain is-goch. Bydd sesiwn fer 'nodiadau'r rhaglen' yn cael ei chynnal cyn y cynhyrchiad, sy'n esbonio'r awyrgylch, gwisgoedd, cymeriadau a'r antur.
BSL
Iaith Arwyddion Prydain
Mae perfformiadau iaith arwyddion yn berffaith i'r rhai sy'n defnyddio'r iaith. Fel arfer, mae arwyddwyr sydd wedi derbyn hyfforddiant Iaith Arwyddion Prydain ('BSL') yn sefyll ar un ochr y llwyfan ac yn dehongli'r sgript sydd gan y perfformwyr ar yr un pryd ag y mae'n cael ei pherfformio.
R
Dangosiad Sinema/Perfformiad Hamddenol
Mae'r dangosiad sinema/perfformiad yma ar gael i bawb. Serch hynny, fe fydd fwyaf addas ar gyfer y sawl a fydd yn elwa ar amgylchedd sy'n fwy hamddenol oherwydd bod ganddo/ganddi Anhwylder Sbectrwm Awtistiaeth neu anabledd dysgu, neu oherwydd ei fod neu ei bod yn teimlo'n bryderus am y tywyllwch, synau uchel neu leoedd cyfyng.
Mae Dangosiad Sinema/Perfformiad Hamddenol yn cynnig amgylchedd hamddenol, ble mae elfennau ohono yn cael eu haddasu er mwyn lleihau pryder neu straen. Caiff lefelau sain a golau eu haddasu er mwyn lleihau'r effaith. Does dim ots os oes llawer o sŵn a chaiff unrhyw un adael yr awditoriwm yn ystod y dangosiad sinema/perfformiad.
Mae mannau 'ymlacio' penodol yn cael eu paratoi y tu allan i'r awditoriwm gyda gweithgareddau i'w gwneud os ydyn nhw'n cael digon ar fod yn yr awditoriwm.
T
Taith Gyffwrdd
Mae 'Taith Gyffwrdd' ar gyfer unigolion sy'n ddall neu sydd â nam ar eu golwg er mwyn iddyn nhw ddod yn gyfarwydd â'r set cyn y perfformiad.
C
Ffilm/Perfformiad â Chapsiynau
Mae capsiynau’n dangos deialog ar y sgrin (tebyg i is-deitlau) a hefyd yn disgrifio sŵn/sain y ffilm/perfformiad. Mae hyn yn rhoi cyfle i aelodau’r gynulleidfa sy’n Fyddar/fyddar neu’n drwm eu clyw ddilyn y sgript a'r hyn sy'n digwydd yn y ffilm/perfformiad ar yr un pryd.
Ar gyfer perfformiadau byw, mae'r sgrin ar ochr y llwyfan.
