Mike Bubbins: Throwback.
Mae'r achlysur yma wedi'i ohirio. Os ydych wedi prynu tocynnau bydd aelod o garfan y Swyddfa Docynnau yn cysylltu â chi cyn bo hir.
Mae Mike Bubbins, seren y podlediad poblogaidd The Socially Distant Sports Bar, a rhaglenni comedi'r BBC Mammoth, Tourist Trap a The Unexplainers, yn mynd ar ei daith stand-yp unigol gyntaf yn y DU, THROWBACK. Mae’n ddigon posib na fydd pethau byth yr un fath eto.
Mae THROWBACK yn awr bwerus, bryfoclyd, dwys o gomedi stand-yp sy'n gwthio ffiniau, yn mynd yn erbyn disgrifiadau twt a thaclus y gymdeithas, ac yn herio'r gynulleidfa...
JÔC WRTH GWRS!
Mewn gwirionedd, dyma awr a hanner o straeon hynod ddoniol, cymeriadu trawiadol, cân neu ddwy (gawn ni weld sut mae pethau'n mynd, meddai Mike), ychydig o hiraeth am yr hen ddyddiau da, rhywfaint o optimistiaeth am y dyddiau newydd da, a Mike yn chwerthin am fywyd a cheisio peidio â chymryd ei hun, nac unrhyw beth arall, ormod o ddifrif. Wedi dweud hynny, fe allai, ar ryw adeg yn y sioe, wylltio tuag at dwpsod - y rhai o'r gorffennol, y presennol neu'r dyfodol. Gall fynd yn flin iawn!
Felly yn y bôn, mae THROWBACK yn sioe gomedi lle mae Bubbins yn rhannu'r hyn y mae'n ei chael yn ddoniol, ac yn dod â hyn oll yn fyw. Mae'n gysyniad comedi ddigon syml, a dweud y gwir.